Manen, Adda Umuna: Premiado ken Napili a Dandaniw

Sagibo dagiti kaamaan iti Cagayan nga agpada a naggapu iti Ilocos Sur ni ARIEL SOTELO TABÁG. Autor ti Karapote (koleksion dagiti sarita, 2011), Ay, ni Reberen! (nobela, 2013), Panangarakup iti Ipus ti Layap (koleksion dagiti daniw, 2016), Kapessat ti Bagis (nobela, 2016), Panangsapul iti Puraw a Kabalio (nobela, 2017), Villa ken Dadduma Pay a Sarita (koleksion dagiti sarita, 2019), ken Voice Tape ken Dadduma Pay a Napili a Sarita (koleksion dagiti napili a sarita, 2022). Nangipatarus iti Samtoy: Ang Aming Kuwento (2011), Don Calixtofano at Marangal na Paligsahan: Dalawang Dula ni Mena Pecson Crisologo (2014), Ang Buhay ni Lam-ang (2019), Dagiti Sagrado a Tay-ak ti Isla Fuga (2021), ken Sirib ti Puli ni Ilokano (2021). Kompositor ti sumagmamano a samiweng, ken bahista ti Manong Diego. Editor ti dandaniw iti Bannawag. Akinnakem iti Sadiri Publishing (sigud a Saniata Publications), Saniata Literary Awards, Salaknib Bookshop ken Sambayanihan Project. Kasimpungalan ni Norielyn “Honey” Cullar-Tabag ken ama da Salaknib Miguel ken Saniata Noriel.